આર્ટિકલ 370 હટ્યા બાદ 16 દેશના રાજદૂત સ્થિતિની સમીક્ષા કરવા પહોંચ્યા કાશ્મીર 

નવી દિલ્હી: આર્ટિકલ 370 (Article 370) હટ્યા બાદ જમ્મુ અને કાશ્મીર (Jammu and Kashmir) ના હાલાતની સમીક્ષા માટે 16 દેશોના રાજદૂતોનું એક પ્રતિનિધિમંડળ શ્રીનગર (Shrinagar) પહોંચ્યું. આ મંડળ સ્થાનિક લોકો તથા અધિકારીઓની સાથે મુલાકાત કરશે. સૂત્રોના જણાવ્યાં મુજબ આ વિદેશી પ્રતિનિધિઓએ 9-10 જાન્યુઆરીએ ત્યાં જવાની મંજૂરી માંગી હતી. સૂત્રોનું એમ પણ કહવું છે કે તેમના તરફથી કાશ્મીરના હાલાતની સમીક્ષા કરવાની ભલામણ કરવામાં આવી હતી. 

આ અંગે સરકારનું કહેવું હતું કે કેન્દ્રશાસિત પ્રદેશ જમ્મુ અને કાશ્મીરની પરિસ્થિતિ જોયા બાદ જ ત્યાં જવાની ભલામણ પર વિચાર કરાશે. આ ટીમમાં દક્ષિણ અમેરિકા, આસિયાન અને આફ્રિકાના પ્રતિનિધિઓ છે. યુરોપિયન સંઘના પ્રતિનિધિ બાદમાં જશે. 

જુઓ LIVE TV

આ અંગે યુરોપીયન સંઘના એક પ્રતિનિધિએ અમારી સહયોગી ચેનલ WIONને કહ્યું કે હકીકતમાં આ અંગે અમને ખુબ શોર્ટ ટમ નોટિસ મળી અને અમારામાંથી અનેક દેશોએ પહેલા અમારા દેશો પાસેથી મંજૂરી મેળવવાની છે. આથી જવાનો નિર્ણય હાલ ટાળવામાં આવ્યો છે. આ પ્રતિનિધિમંડળને શું અટકાયતમાં રખાયેલા નેતાઓને મળવાની મંજૂરી અપાશે કે નહીં તે અંગે સૂત્રએ કહ્યું કે આ પ્રકારનો કોઈ આગ્રહ કરાયો નથી. જો કે સુરક્ષા વ્યવસ્થાને ધ્યાનમાં રાખતા આ ગ્રુપ કોઈને પણ મળવા માટે સ્વતંત્ર છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

ભારતના વધુ સમાચાર માટે અહીં કરો ક્લિક....